الهجرة العشوائية استراليا

الهجرة العشوائية
قبل ما حد يفكر في الموضوع اساسا لازم يعرف لوكان هيتوافق عليه مبدئيا ولا لأ. وده تحت شروط وهي:
1)السن: لازم يكون اقل من 45
2)الوظيفة لازم تكون مطلوبة .
3)اللغة: على الأقل يكون الاسكور 6 في كل الفروع الاربعه في ال ielts
او طبعا بما انك لازم تعادل الشهادة الأول فممكن الهيئة اللي هتعادل شهادةحضرتك تتطلب اسكور اعلى . وبالنسبة للتخصصات الطبية في امتحان بديل هو oet
4): انك تعادل الشهادة بتاعتك. ودي اول خطوة تعملها حتى قبل الانجليزي الا لو الهيئة اللي هتعادل الشهادة بتاعتك طلبت الانجليزي الاول. والمعادلة بتكون اما تقييم او امتحان ودي بتفرق على حسب الوظيفةبتاعتك. عشان تشوف شهادتك هتتعادل ازاي زورونا في الرابط التالي
[ندعوك للتسجيل في المنتدى أو التعريف بنفسك لمعاينة هذا الرابط]
5) انك تكون اشتغلت في وظيفة مطلوبة لمدة سنة مدفوعة الاجر 20 ساعة في الاسبوع او اكتر في خلال السنة اللي قبل التقديم
أو
درست سنتين في استراليا في معهد معترف بيه من قبل cricos
مع العلم ان العمل شرط اساسي للحرفيين
6)ان تكون لائق طبيا و خالي من الجرائم

لو حققت الشروط دي مبدئيا ممكن تتقبل بس لسه في حساب نقط لازم تعمله زي بتاع كندا بالزبط. كل اللي فات ده مجرد حاجات لايمكن الاستغناء عنها.


نيجي للوظايف المطلوبة. لستة الوظايف لسه متغيرة قريب. وكل شوية يغيروها وكانوا عملوا حاجه اسمها الوظايف الملحة . عموما لو حد هيقدم جديد فاللستة الجديدة هتكون مجمعة الوظايف في استراليا ونيوزيلاندا مع بعض.

[ندعوك للتسجيل في المنتدى أو التعريف بنفسك لمعاينة هذا الرابط]

طبعا الكلام ده ينطبق على الناس اللي ما عندهاش عرض عمل اواللي الولايات مش كفلاهم لان التانيين دول ليهم لستة وظائف اخرى.
احنا هنا بنتكلم عن الهجرة العامة.

باقي بس نعرف ازاي نحسب الدرجات

بالنسبة لحساب النقط. في نوعين مهمين للهجرة العامة : فيزا رقم 175 وفيزا رقم 176
الاولى محتاج 120 نقطة و بيسموها Independent والتانية محتاج فيها 100 نقطة واسمها sponsored ودي بتكون ابطئ شوية في ال processing ولازم يكون لك كفيل في استراليا (واحد قريبك من الدرجة الاولى) يعني خالك او عمك اوابوك او اخوك الخ. او تكون حكومة الولاية هي اللي هتكفلك.

ازاي بقى نحسب النقط .
اولا المهنة:
احنا اتفقنا قبل كده انك لازم تكون وظيفتك مطلوبة ولازم تكون متقيمة وبعدين نشوف هتاخد كام نقطة على الوظيفة بتاعتك وهي عامة بتكوم من 40 ال 60 نقطة على حسب وظيفتك ونحسبها من هنا

[ندعوك للتسجيل في المنتدى أو التعريف بنفسك لمعاينة هذا الرابط]

تاني حاجة العمر وما ننساش ان فوق ال 45 مش مسموح لهم التقديم للاسف
من 18 الى29....... 30 نقطة
من 30 الى 34....... 25 نقطة
من35 الى 39........ 20 نقطة
من 40 الى 44سنة..... 15 نقطة


تالت حاجة الانجليزي:
لازم الايلتس لا يقل عن 6 في كل البرانشات الا لو الهيئة طلبت منك اعلى من كده عشان تقييم الشهادة

والايلتس سكور 6 بتاخد عليه 15 نقطة. ولو سكور 7 بتاخد 25 نقطة ولو سكور بين 7 و6 في اي قسم من اقسام الامتحان بيكون 15 نقطة.
وامتحان oet للتخصصات الطبية لازم يكون Grade B او اعلى وبيديك 25 نقطة كبديل للايلتس .

رابعا خبرة العمل :
لو اقل من سنة في خلال تقديم الابليكيش ب سنتين يبقى ما ينفعش تقدم.
لو اكتر من كده يبقى تقدم عادي وممكن كمان تاخد نقط زيادة على الخبرة لو:
اشتغلت 3 سنين في وظيفتك او اي وظيفة لها علاقة بوظيفتك خلال اربع سنين من التقديم وكانت وظيفتك بتديك 60 نقطة يبقى من حقك تاخد 10 نقط زيادة.
ولو اشتغلت 3 سنين في اي وظيفة تانية في خلال 4 سنين من التقديم وكانت وظيفتك بتديك 40 او 50 او 60 نقطة يبقى من حقك تاخد 5 نقط زيادة.
اي شهادة خبرة لازم يكون معاها عقد ومفردات مرتب على ما اعتقد وطبعا مش هيعترف باي عمل خارج لستة الوظايف.

خامسا : لو انت اشتغلت سنة في استراليا في اخر اربع سنين اي وظيفة في اللستة يكون من حقك 10 نقط .

سادسا : الدراسة في استراليا كمان بتديك نقاط زيادة
لو دارس في منطة نائية بتاخد 5 نقط.
وكمان 5 نقط عل الدراسة عامة وعلى قد الدراسة بتاخد نقط يعني مثلا لو خدت الدكتوراة في مش اقل من سنتين بتاخد 25 نقطة.

سابعا: اللغات الاجنبية اللي بيتكلموها في استراليا غير الانجليزي ودي من ضمنها العربي بتاخد عليها 5 نقط.
وعشان تاخد النقط بتجيب من الكلية او المعهد اللي حضرتك اتخرجت منه ورقة بتقول انك درست بالعربي.

فاكرين الحاجات اللي قولنا انها لازم تكون موجودة عندك قبل ما تفكر تهاجر. ايوه الحاجات اللي في الأول خالص دي كمان لو عند زوجتك او عند زوجك تاخد عليها 5 نقط كمان.

وبالنسبة للفيزا 176 لو قريبك هيكفلك دي ما عليهاش نقط اما لوالولاية اللي هتكفلك بتاخد 10 نقط.

المهم ايه في الموضوع ان لو انت معاك امكانية للدراسة ووظيفتك مش مطلوبة او معرفتش تعادلها ممكن اوي تدرس هناك حاجه هما عايزينها وتقدم على الهجرة من هناك والموضوع ده مرحب بيه جدا لأن استراليا بتشجع الدراسة.